Qostanaıda 20 myń teńgeniń massaj jabdyǵyn 660 myńǵa satqan alaıaqtar izdestirilýde
QOSTANAI. QazAqparat – «Jolda qabyldaý» aktsııasy aıasynda alaıaqtarǵa aldanyp qalǵan Qostanaı qalasynyń turǵyndary polıtseılerden kómek surady, dep habarlaıdy QazAqparat.
Tártip saqshylaryna aryz aıtyp kelgenderdiń biri – Elena ıAnova. Sózinshe, oblys ortalyǵynda belgisiz kompanııalardyń ókilderi zeınetkerlerge massaj apparatyn jarnamalap, ony 660 myń teńgege satqan. 75 jastaǵy anasyn alyp-satarlar bankke aparyp, massaj jabdyǵyn bólip tóleýge nesıe rásimdeıdi.
«Bul 3-7 qarasha aralyǵynda qaladaǵy qonaq úılerdiń birinde bastalǵan. Almatylyq 3 kompanııa massaj apparatyn jarnamalap, zeınetkerlerge 660 myń teńgege ótkizgen. Negizinen naryqtaǵy quny 20 myń teńge turady. Anama aldap nesıe aldyrǵan soń amalsyz aı saıyn 76 myń teńgeden tóleımiz»,-deıdi ol.
Aryzdanýshylardyń málimeti boıynsha, almatylyq kompanııa ókilderi qonaq úı zalyn jalǵa alǵan. Keıin zeınetkerlermen birge nesıe resimdegen. Qazirgi ýaqytta polıtsııaǵa 6 keıýana aryzdanyp otyr, biraq zardap shekkender odan da kóp bolýy múmkin.
Qostanaı oblysy polıtsııa departamenti Ákimshilik polıtsııa basqarmasynyń bastyǵy Andreı Grıgorevskıı atap ótkendeı, qazirgi ýaqytta materıaldardy jınaý jumystary júrgizilýde. Barlyq is baqylaýǵa alyndy. Belgisiz kompanııa ókilderine izdeý salyndy.
