Qostanaıda 2 jasar qyz órtengen kólik ishinde qalyp qoıdy
QOSTANAI. QazAqparat – Qostanaı oblysynyń Zatobol eldi menkeninde avtokólik órtenip, eki jasar sábı kúıip qaldy, dep habarlaıdy QazAqparat oblystyq TJD baspasóz qyzmetine silteme jasap.
Órt saǵat 15:29-da Zatobol selosyndaǵy «Svetofor» dúkeniniń mańynda boldy. «Lada-Prıora» kóliginen órt shyqqan.
«Órt 7 sharshy metr aýmaqty sharpydy. Saǵat 15:46-da tolyǵymen sóndirildi. Órt saldarynan 2017 jyly týǵan qyzdy 2-shi dárejeli kúıik shaldy. Oqıǵa kezinde ol avtokólik ishinde bolǵan», - dedi vedomstvonyń baspasóz hatshysy Ýálıhan Dosanov.
Kúıik shalǵan qyz oblystyq balalar aýrýhanasyna jetkizildi. Órttiń naqty sebepteri anyqtalyp jatyr.
