Qostanaıda 2 myń adam qaterli isikke qarsy tekserýden ótip jatyr
QOSTANAI. QazAqparat – Qostanaı oblysynda 2 myń adam qaterli isikke qarsy tekserýden ótip jatyr, dep habarlaıdy QazAqparat.
Qostanaı turǵyndary qaterli indet belgilerin anyqtaýǵa arnalǵan aqysyz testiden ótip jatyr. «Sábı» qory uıymdastyrǵan qaıyrymdylyq sharasyna oblys turǵyndary shaqyrylǵan. Testileý jasaıtyn operatorlar qala aýmaǵynda jeke zerthana ázirlegen.
«Ekspress testileýden ótý úshin «Olimp CDL» saıtynda arnaıy anketany toltyrý kerek. Osy oraıda QR Densaýlyq saqtaý mınıstrliginiń epıdemıologteri indettik ólshemder negizinde irikteý jasaıdy. Sodan soń baılanys ortalyǵynyń operatorlary ár turǵynǵa testileýden ótý ýaqytyn, mekenjaıyn habarlaıdy. Testileýden ótý úshin turǵyndar belgili erejeni saqtaýy kerek. Máselen, ár adam test nátıjesin alý úshin elektrondyq poshtany kórsetý, shaqyrtylǵan ýaqyttan keshikpeı kelý, maska taǵý jáne adamdar arasynda qashyqtyq saqtaýdy bilýi tıis», - deıdi «Olimp» zertteý ortalyǵynyń kommertsııalyq dırektory Sáýle Baımenova.
Mamannyń aıtýynsha, ekspress testileýdiń qorytyndysy taldaý sharalary jasalǵannan keıin 15 mınýt aralyǵynda anketada kórsetilgen elektrondy poshtaǵa túsedi. Qazirgi tańda óńir boıynsha 2 myńnan astam adamǵa synama jasaýǵa múmkindik berilip otyr.
