Qostanaıda 2 áıeldi pyshaqtaǵan kúdikti ustaldy
QOSTANAI. QazAqparat - Qostanaı oblysynda eki áıeldi pyshaqtaǵan 39 jastaǵy er adam ustaldy, dep habarlaıdy QazAqparat oblystyq ІІD baspasóz qyzmetine silteme jasap
Qaıǵyly oqıǵa Qarasý aýdanynda bolǵan.
«Oktıabr aýyldyq emhanasyna aýyr dene jaraqattarymen 37 jastaǵy áıel adam tústi. Oqıǵa ornyna barǵan temirjol beketi polıtseıleri úıden 52 jastaǵy áıeldiń máıitin tapqan. Keıin belgili bolǵandaı, áıel aıýandyqpen óltirilgen. Kúdikti mas bolǵan», - dep habarlady oblystyq ІІD baspasóz qyzmeti.
Іs derekterinde kórsetilgendeı, 39 jastaǵy er adam birge turatyn áıelmen sózge kelispeı, janjaldasyp qalady. Sálden soń ol áıelge pyshaq suqqan. Buǵan qosa, arasha túspek bolǵan jábirlenýshiniń qurbysyna da pyshaq ala júgirgen. Qarasý aýdandyq ІІB qyzmetkerleri kúdiktini «izin sýytpaı» taýyp aldy.
Atalǵan fakt boıynsha QR QK 99-babymen («Kisi ólimi») sotqa deıingi tergeý sharalary bastaldy.
