Qostanaıda 17 jasar boıjetken úshinshi qabattan qulap ketti
QOSTANAI. QazAqparat - Qostanaı qalasynda 17 jasar kolledj stýdenti jataqhananyń úshinshi qabatynan qulap ketken, dep habarlaıdy QazAqparat.
Aqparatty oblystyq polıtsııa departamentiniń baspasóz qyzmeti rastady. Oqıǵa Qostanaı qyzmet kórsetý kolledjiniń jataqhanasynda bolǵan.
«26 maýsym kúni saǵat 01:30-da oblystyq balalar aýrýhanasyna 17 jasar qyz tústi. Ol jataqhananyń terezesinen qulap ketken. Polıtsııa bul fakt boıynsha tergep-tekserý sharalaryn júrgizip jatyr», - dedi vedomstvonyń baspasóz hatshysy Irına Bejenar.
Boıjetkenniń kolledj stýdenti ekeni anyqtaldy. Oǵan «omyrtqanyń jabyq synyǵy» dıagnozy qoıyldy. Jaǵdaıy aýyr.
