Qostanaıda 15 qabandy zańsyz atqan kúdikti ustaldy
QOSTANAI. QazAqparat – Qostanaılyq polıtseıler zańsyz ań aýlaǵan kúdiktilerdi ustady. Olar on mıllıon teńgeden astam shyǵyn keltirgen, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Tártip saqshylary Jangeldın aýdanynyń Torǵaı aýylynda patrýldeý barysynda «Nissan Patrol» markaly avtokóligin toqtatqan. Avtokólik salonynda polıtsııa qyzmetkerleri 15 jabaıy qabannyń terisin tapqan.
«Atalǵan fakti boıynsha Jangeldın aýdany Aqshyǵanaq aýylynyń 58 jastaǵy turǵyny ustaldy. Kúdikti ań aýlaý lıtsenzııasynsyz 15 qabandy atyp alǵan», - dedi polıtsııanyń baspasóz hatshysy Irına Bejenar.
Taǵy bir zańsyz ań aýlaý deregi Naýyrzym aýdanynda bolǵan. 12 jeltoqsan kúni túngi saǵat 02:00 shamasynda Naýyrzym qoryǵy mańynda úsh er adam ustaldy. Olar bir buǵyny atyp, soıyp jatqan jerinen ustaldy.
Qazirgi ýaqytta osy eki fakti boıynsha QR QK-niń 337-babynyń 3-bóligimen («Іri zalal keltirý arqyly zańsyz ań aýlaý») sotqa deıingi tergeý bastaldy.
