Qostanaıda 14 jasar qyz joǵalyp ketti
QOSTANAI. QazAqparat – Qostanaı qalasy polıtsııa basqarmasynyń qyzmetkerleri kámeletke tolmaǵan Polına Popovaǵa izdeý saldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 2019 jyldyń 16 qazanynda Qostanaı turǵyny 14 jasar qyzynyń iz-túzsiz ketkeni týraly habarlaǵan.
Qyzdyń aıryqsha belgileri: kelbeti - eýropalyq, boıy – 172 sm, orta deneli, shashy ıyǵyna deıin túsken, shash úlgisi - kare, kózi sur-kógildir tústi. Ústine qara tústi kúrteshe, qara tústi losına kıgen, aıaǵynda qara tústi kúzgi báteńke bolǵan. Ózimen birge «Samsung» uıaly telefony bar.
Tártip saqshylary joǵalyp ketken Polına Popovaǵa qatysty kez kelgen málimet biletin turǵyndardyń 102 nemese 52-69-01 nómirine qońyraý shalýyn suraıdy.
