Qostanaıda 13 jasar bala úıdiń altynshy qabatynan qulap ketti
QOSTANAI. QazAqparat - Qostanaıda 13 jasar jetkinshek úıdiń altynshy qabatynan qulap ketti, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Oqıǵa keshe keshke bolǵan. Óziniń týǵan kúnin atap ótken 13 jasar oqýshy altynshy qabattan qulap ketken.
«Qazir bala oblystyq balalar aýrýhanasynyń jansaqtaý bóliminde jatyr. Jaǵdaıy aýyr», - dep habarlady vedomstvonyń baspasóz hatshysy Ksenııa Jylqybaeva.
Polıtseıler oqıǵanyń anyq-qanyǵyn tekserip jatyr. Bul fakt boıynsha tergep-tekserý amaldary bastaldy.
