Qostanaıda 11 jastaǵy balanyń múrdesi tabyldy
QOSTANAI. QazAqparat - Qostanaı oblysynyń Qarasý aýdanynda kámelettik jasqa tolmaǵan balanyń denesi tabyldy, dep habarlaıdy QazAqparat oblystyq ІІD baspasóz qyzmetine silteme jasap.
«Qarasý aýdanynyń Vostok aýylynda 11 jastaǵy balanyń múrdesi tabyldy. Osy iske qatysty sotqa deıingi tergeý sharalary júrgizilýde. Arnaıy jedel-iz kesý toby quryldy. Onyń quramynda Qarasý aýdandyq ІІB men oblystyq ІІD-niń tájirıbeli qyzmetkerleri bar»,- dedi oblystyq ІІD baspasóz hatshysy Irına Bejenar.
Vedomstvoda málim etilgendeı, bul fakti ІІD qyzmetkerleriniń tolyqtaı baqylaýyna alyndy. Basqa derekter belgisiz.
