Qostanaıda 11 jasar qyzǵa pedofıl tap berdi
NUR-SULTAN. QazAqparat – Qostanaıda turǵyndar qyz balany zorlamaq bolǵan kúdikti áreketiniń aldyn aldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
«Qylmys 2019 jyly 2 qazanynda jasaldy. Shamamen saǵat túski bir kezinde 102 pýltine Altynsarın-Nazarbaev kósheleriniń qıylysynda belgisiz jigittiń qyz balaǵa tap berip, denesine jaraqat salǵany týraly habarlama túsken. Birneshe mınýt ishinde jedel-tergeý toby oqıǵa ornyna kelip, soqqy kórgen 11 jasar qyz balany tapty. Ol birden oblystyq balalar aýrýhanasyna jetkizildi», - dep jazdy Qostanaı oblysy polıtsııa departamentiniń bastyǵy Beket Aımaǵambetov Facebook-te.
Onyń habarlaýynsha, oqıǵa ornynda belgisiz er adamnyń balany uryp-soǵyp jatqanyn bir áıel kórip qalǵan. Osydan keıin ol jan-jaǵyna aıqaılap, kómekke shaqyra bastaǵan. Daýysty estigen birneshe jigit júgirip kelip, kúdiktini polıtsııa qyzmetkerlerimen birge ustap bergen.
Qazirgi ýaqytta QR QK 120-baby 4-bólimi jáne 24-baby boıynsha qylmystyq is júrgizilýde. Kúdikti Qostanaı qalasynyń toksıkoman esebinde turǵan 28 jastaǵy turǵyny. Ol qazirgi ýaqytta ýaqytsha oqshaýlaǵyshta otyr.
