Qostanaıda 1000 lıtr spırt suıyqtyǵyn tasyp júrgen azamat ustaldy
QOSTANAI. QazAqparat – Qostanaı oblysynda kólikti tekserý barysynda myń lıtr spırt qosylǵan suıyqtyq tárkilendi, dep habarlaıdy QazAqparat QR QM Qarjy monıtorıngi komıtetiniń baspasóz qyzmetine silteme jasap.
Qostanaı oblysy Ekonomıkalyq tergeý departamentiniń qyzmetkerleri jedel-izdestirý sharalary nátıjesinde QR UQQ shekara qyzmeti, memlekettik kirister organdarymen ózara birlesip, «Gazel» markaly avtokóligin ustady.
«Kólikti 1991 jyly týǵan QR azamaty basqarǵan.
Avtokólikti tekserý barysynda 5 lıtrlik ydystarǵa quıylǵan suıyqtyq anyqtalyp, tárkilendi. Spırt qosylǵan suıyqtyqtyń jalpy kólemi – 1000 lıtr. Atalǵan fakt boıynsha sýrrogattyq alkogol ónimin jasaýǵa qatysty tekserý sharalary júrgizilýde»,- delingen vedomstvonyń aqparatynda.
Qazir memlekettik kirister organy «Gazel» júrgizýshisin ákimshilikke jaýapqa tartý boıynsha jumys júrgizýde. Sondaı-aq tárkilengen spırt ónimi densaýlyq saqtaý basqarmasynyń qajettiligine jiberildi.
