Qostanaıda 100-den astam kóshi-qon zańnamasyn buzý faktisi anyqtaldy

QOSTANAI. QazAqparat - «Nelegal - 2022» jedel-profılaktıkalyq is-sharasynyń eki kúninde polıtseıler 18 sheteldikti elden shyǵaryp, kóshi-qon zańnamasyn buzýdyń 100-den astam faktisin anyqtady, dep habarlaıdy QazAqparat.

Kóshi-qon qyzmetkerleri elde Ózbekstan Respýblıkasynyń 32 azamaty zańsyz eńbek etip júrgenin anyqtady.

«Qostanaı oblysyna qarasty Denısov aýdanynda ruqsat qujattarynsyz jol jóndeý jumystaryn júrgizgen Ózbekstannyń 13 azamaty anyqtaldy. Rýdnyı qalasynyń sý qubyryn jóndeýmen aınalysyp júrgen 10, Lısakov qalasyndaǵy qurylys alańynda zańsyz eńbek etip júrgen 9 ózbekstandyq anyqtaldy. Barlyq jaǵdaıda zań buzýshylarǵa qatysty materıaldar sheshim shyǵarý úshin sotqa joldandy. Sheteldik azamattardy jumysqa alǵan jumys berýshiler de jazalandy», - deıdi polıtseıler.

Tártip saqshylary zańsyz ımmıgranttardy anyqtaý jumysyn 4 shildege deıin jalǵastyrady.