Qostanaıda 10 kún buryn joǵalǵan jigit tabyldy
QOSTANAI. QazAqparat - Qostanaılyq polıtseıler on kún buryn iz-túzsiz joǵalǵan er adamnyń ornalasqan jerin anyqtady, dep habarlaıdy QazAqparat tilshisi.
32 jastaǵy Andreı Zýev Qostanaıdaǵy úıinen shyǵyp ketip, oralmaǵan. Onyń joǵalǵany týraly aqparatty quqyq qorǵaý organdaryna 22 qyrkúıek kúni 62 jastaǵy ájesi aıtqan.
«Polıtsııa qyzmetkerleri kisi joǵalý faktisi boıynsha izdestirý isin qozǵady. Oǵan oblystaǵy jeke quram baǵyttaldy. Jedel-izdestirý sharalary barysynda Qostanaı qalasy ІІB qyzmetkerleri onyń mekenjaıyn anyqtady», - dep habarlady oblystyq ІІD baspasóz qyzmeti.
Іzdeý salynǵan Andreı Zýev Uzynkól aýdanyndaǵy týysqandarynyń úıinde bolǵan.
