Qostanaıda 1 mln gektardan astam alqaptan astyq jınaldy
NUR-SULTAN. QazAqparat – Búgingi tańda qostanaılyq dıqanshylar 1 mln 300 myń gektar jerdiń bıdaıyn jınap úlgirdi, dep habarlaıdy QazAqparat tilshisi.
«Óńirde egis naýqany bastalyp ketti. Bıyl jazda qýańshylyq bolyp, jaýyn-shashyn az tústi. Sol sebepten byltyrǵa qaraǵanda bıdaı shyǵyndylyǵy azdaý. Soǵan qaramastan dıqanshylar óz ónimderin salqyn túsem degenshe jınap alýdy kózdep otyr. Búgingi tańda 1 mln 300 myń gektar jerdiń bıdaıy orylyp, qambaǵa quıyldy», - dedi Qostanaı oblysy aýyl sharýashylyǵy jáne jer qatynastary basqarmasynyń basshysy Jansultan Taýkenov.
Onyń aıtýynsha, shamamen 15-20 kúnniń ishinde qostanaılyq dıqandar óz ónimderin tolyq jınap bolady.
«Byltyr 3 mln tonnanadan astam astyq jınadyq. ıAǵnı 1 gektardan 11 tsentnerden ónim aldyq. Buǵan deıin aıtyp ótkenimdeı bıyl jaýyn-shashynnyń az bolýy óz áserin tıgizdi. Degenmen bilgilengen jospardy oryndaımyz dep oılaımyn. Odan bólek, bizdiń aldymyzda eksport kólemin arttyrý tapsyrmasy tur. Biz jyl saıyn Ortalyq Azııa elderi jáne Iran, Aýǵanstanǵa un jáne un ónimderin eksporttaımyz», - deıdi ol.
Aıta ketsek, elordada Qostanaı oblysynyń aýyl sharýashylyǵy ónimderi jármeńkesi ótip jatyr.
