Qostanaıda 1,5 myń shólmek ishimdikti zańsyz satpaq bolǵan aýyl turǵyny sottaldy
QOSTANAI. QazAqparat - Qostanaı oblysy Meńdiqara aýdanynyń turǵyny «Elıtnaıa» markaly ishimdiktiń bir jarym myńǵa jýyq bótelkesin zańsyz satpaq bolǵan, dep habarlaıdy QazAqparat.
Qarjy monıtorıngi komıtetiniń Qostanaı oblysy boıynsha ekonomıkalyq tergeý departamenti jalǵan esep-baqylaý markalary bar alkogol ónimin zańsyz satý áreketiniń jolyn kesti.
«Departament qyzmetkerleri Qostanaı oblysy Meńdiqara aýdanynyń jeke kásipkerine tıesili kóterme saýda dúkeninde «Elıtnaıa» markaly ishimdiktiń 12 bótelkesin zańsyz satý faktisin anyqtady. Tergeý barysynda «kásipkerdiń» zańsyz paıda tabý maqsatymen belgisiz bireýden jalǵan markasy bar kólemi 0,5 lıtr 1 444 bótelke alkogol ónimin zańsyz satyp alyp, ári qaraı satý úshin saqtaǵany anyqtaldy» delingen habarlamada.
Meńdiqara aýdanynyń soty ony QR QK 233-baby 2-bólimi boıynsha aıypty dep tanydy.
Aýdan turǵyny bir jylǵa alkogol ónimin saqtaý jáne ótkizý qyzmetimen aınalysý quqyǵynan aıyrylyp, 500 AEK kóleminde aıyppul tóleıdi.
