Qostanaıda 1,5 myń gektar orman órtengen
QOSTANAI. QazAqparat - Qostanaı oblystyq TJ departamentinde órtke qarsy kúres boıynsha brıfıng ótti, dep habarlaıdy «QazAqparat» HAA tilshisi.
Jýrnalıstermen kezdesýde Qostanaı oblysynyń Tótenshe jaǵdaılar departamenti bastyǵynyń orynbasary Azamat Órimbaev jaz kelip, órt qaýiptiligi kezeńiniń bastalýyna baılanysty óńirdegi jaǵdaı týraly áńgimelep berdi.
«Sharýalar aýyl sharýashylyǵy jumystaryna daıyndyq kezinde qajetsiz shóp, sabandy órtep jiberedi. Kóp jaǵdaıda egistikterdi órteý durys qadaǵalanbaıtyndyqtan jalynnyń orman alqaptaryna ótip ketýi jıi kezdesedi», - dedi A.Órimbaev.
TJD ókiliniń aıtýynsha, 29 sáýir men 3 mamyr aralyǵynda 188 órt sóndirilgen. Olardyń 25-i - órt te qalǵan 163-i - qýraǵan shabyndyq, shóp pen sabannyń qaldyǵyn jaǵýdan shyqqan.
«Órt qaýiptiligi kezeńi bastalǵaly beri Qostanaı oblysynda 158 1126,43 gektardy sharpyǵan dala órtendi. Orman órtine kelsek, 3 mamyrdaǵy jaǵdaı boıynsha 1 531 gektar aýmaqty qamtıtyn 7 orman órti boldy», - dedi A. Órimbaev.
Órt bolǵan jaǵdaıda, qutqarýshylar tótenshe jaǵdaıdy «101» nemese «112» nómirlerine dereý habarlaý - ár azamattyń mindeti ekenin eske salady.
