«Qostanaı jastary» baǵdarlamasyn qarjylandyrý úsh esege ulǵaıdy
«Turǵyn úı qurylysy qarqyndy damyp keledi, jyl basynan beri 175 myń sharshy metr turǵyn úı paıdalanýǵa berildi, 1500-den astam otbasy baspanaly boldy. Turǵyn úıdi paıdalanýǵa berý boıynsha ósim 3,5%-ti qurady. Bıylǵy jyl sońyna deıin barlyǵy 500 myń m² deıin turǵyn úı (4 myńnan astam páter) salynady, bul ótken jyldan 11,4%-ke artyq», - dedi Q. Aqsaqalov elordada Ortalyq kommýnıkatsııalar qyzmetinde ótken baspasóz máslıhatynda.
Ákimniń aıtýynsha, qurylys tek oblys ortalyǵy men qalalarda ǵana emes, aýdandarda da júrgizilip jatyr. Bul maqsattarǵa 27 mlrd teńge bólindi.
«Kezekte turǵan halyqtyń áleýmettik turǵydan osal toptaryn baspanamen qamtý úshin bıyl 200 páterdi satyp alýǵa 2,3 mlrd teńge bólindi. Sondaı-aq, óńirimizde «Qostanaı jastary» («Jas shańyraq») baǵdarlamasy iske asyp jatqanyn atap ótkim keledi. Bıyl qarjylandyrý somasyn 3 esege arttyrdyq. Onda maksımaldy 15 mln teńgege 5 paıyzben baspana alýǵa bolady. Qazirgi tańda 2,1 mlrd teńge bólindi. Kem degende 140 jasty qamtý josparlanyp otyr», - dedi Qumar Aqsaqalov.
