Qostanaı jáne Soltústik Qazaqstan oblystarynda kún buzylady
NUR-SULTAN. QazAqparat – «Qazgıdromet» RMK Qostanaı jáne Soltústik Qazaqstan oblystarynda aýa raıyna baılanysty eskertý jarııalady, dep habarlaıdy QazAqparat.
18 qyrkúıekte tańerteń jáne kúndiz Qostanaı oblysynyń keı jerlerinde naızaǵaı oınaıdy. Ońtústik-batystan jel soǵyp, onyń ekpini 15-20, keı jerlerde 23 m/s-ke deıin jetedi.
18 qyrkúıekte Qostanaı qalasynda ońtústik-batystan jel soǵyp, onyń kúshi 15-20 m/s bolýy yqtımal
18 qyrkúıek kúndiz Soltústik Qazaqstan oblysynyń keı jerlerinde naızaǵaı oınap, daýyl soǵady. Túnde jáne tańerteń keı jerlerge tuman túsedi. Ońtústik-batystan jel soǵyp, onyń ekpini 15-20, keı jerlerde 23 m/s-ke deıin jetedi.
Sol kúni Petropavl qalasynda naızaǵaı oınaıdy. Ońtústik-batystan jel soǵyp, onyń ekpini 15-20 m/s bolýy yqtımal.
Daýyldy eskertýdiń yqtımaldyǵy - 90-95%.
