Qostanaı vokzaly qorshaýǵa alyndy
QOSTANAI. QazAqparat – Qostanaı qalasynyń temirjol vokzaly qorshaýǵa alynyp, 20 adam evakýatsııalandy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, vokzaldaǵy jelilik polıtsııa bóliminiń qyzmetkerleri ádettegideı tekserý júrgizgen. Tekserý kezinde vokzal ishinde turǵan áıeldiń sómkesinen kúdikti zatty baıqaǵan.
«Oqıǵa ornyna barlyq múddeli qyzmetter jumyldyryldy. Vokzal qorshaýǵa alynyp, 20-ǵa jýyq adam qaýipsiz jerge kóshirildi. Keıinirek sómkede sýtegi totyǵy bar bótelke bolǵany anyqtaldy», - deıdi polıtsııanyń baspasóz qyzmetindegiler.
