Qostanaı ýnıversıtetindegi kisi ólimi: Oqytýshy kafedra meńgerýshisi bolǵan
QOSTANAI. QazAqparat - Z.Aldamjar atyndaǵy Qostanaı ýnıversıtetinde óziniń kúıeýiniń qolynan qaza tapqan 35 jastaǵy Olga Isenova ınjenerlik-tehnologııa kafedrasynyń meńgerýshisi qyzmetin atqarǵan, dep habarlaıdy QazAqparat.
Olga Isenova Almatydaǵy M.Tynyshpaev atyndaǵy Qazaq kólik jáne kommýnıkatsııalar akademııasyn aıaqtap, Z.Aldamjar atyndaǵy Qostanaı ýnıversıtetine qyzmetke turǵan. Qostanaılyq BAQ-ta jazylǵanyndaı, ýnıversıtet kúzetshileri qaza bolǵan oqytýshynyń kúıeýin tanyǵan. Al onyń oqý ornyna sýyq qarý alyp kirgendigin ýnıversıtet qyzmetkerleri rastaǵan joq.
Eske salsaq, keshe er adam ýnıversıtetke kelip, oqytýshyny pyshaqtap tastaǵan.
Artynsha ózi ǵımarattyń segizinshi qabatynan sekirip, kóz jumdy. Jábirlenýshi onyń áıeli bolǵan. Erli-zaıyptylardyń artynda eki balasy qaldy.
Oblystyq ІІD baspasóz qyzmeti atalǵan oqıǵaǵa qatysty resmı málimdeme jasaǵan joq.
