Qostanaı ýnıversıtetindegi qaıǵyly jaǵdaı: erli-zaıyptylardyń artynda eki balasy qaldy
QOSTANAI. QazAqparat - Z.Aldamjar atyndaǵy Qostanaı ýnıversıtetinde 35 jastaǵy oqytýshy Olga Isenovaǵa óziniń kúıeýi birneshe jerden pyshaq salǵan. Bul týraly Qostanaı qalasy ІІB «Soltústik» bólimshesiniń bastyǵy Janserik Hasanov málim etti, dep habarlaıdy QazAqparat.
«Ózara janjaldan soń 36 jastaǵy er adam 35 jastaǵy áıelge birneshe jerden pyshaq saldy. Alǵan jaraqattardan soń ol kóz jumdy. Qylmys jasaǵan er adam óz-ózine qol jumsap, ǵımarattyń segizinshi qabatynan sekirip ketti», - dedi J.Hasanov oblystyq ІІD baspasóz qyzmetiniń brıfınginde.
Eske salsaq, keshe er adam ýnıversıtetke kelip, oqytýshyny pyshaqtap tastaǵan.
Óziniń kúıeýiniń qolynan qaza tapqan 35 jastaǵy Olga Isenova Z.Aldamjar atyndaǵy Qostanaı ýnıversıtetinde ınjenerlik-tehnologııa kafedrasynyń meńgerýshisi qyzmetin atqarǵan. Erli-zaıyptylardyń artynda qalǵan eki bala qamqorshylyq organdaryna tapsyrylady.
Qazir atalǵan oqıǵaǵa qatysty QR QK 99 jáne 105-baptarymen sotqa deıingi tergeý sharalary júrgizilip jatyr.
