Qostanaı túrmesine esirtkini toqashqa salyp ótkizbek bolǵan
QOSTANAI. QazAqparat - Qostanaı oblysynyń turǵyny toqash ishine geroın jasyryp, túrmege «sálemdeme» jibergen, dep habarlaıdy QazAqparat Qostanaı oblysy boıynsha Qylmystyq-atqarý júıesi departamentine silteme jasap.
«34 jastaǵy oblys turǵyny 47 jastaǵy jazasyn óteýshige «sálemdeme» jiberdi. Ótkizilgeli turǵan azyq-túlikterdi tekserý barysynda mekeme mamandary toqash ishinen sarǵysh tústi 4 túıinshekti tapty. Sot-hımııalyq saraptama nátıjesinde olardyń esirtki zaty - geroın ekeni anyqtaldy», - delingen taratylǵan habarlamada.
Vedomstvonyń baspasóz qyzmetinen málim etkendeı, mekeme qyzmetkerlerinen qýlyǵyn asyrmaq bolǵan turǵyn jazasyn óteýshige 0,64 gramm geroın ótkizbek bolǵan.
Atalǵan fakti boıynsha sotqa deıingi tergeý sharalary bastaldy.
