Qostanaı túrmesine esirtki qosylǵan bal jiberilgen
QOSTANAI. QazAqparat - Qostanaı oblysynda jazasyn óteýshige esirtki zatyn ótkizý áreketiniń joly kesildi, dep habarlaıdy «QazAqparat» HAA oblystyq qylmystyq-atqarý júıesi departamentiniń baspasóz qyzmetine silteme jasap.
Belgili bolǵandaı, esirtki sottalýshyǵa ákelingen sálemdemeni tekserý kezinde shyqqan.
«Jazasyn óteýshige kelgen plastmassa ydysta bal men grek jańǵaǵy bolǵan. Tekserý barysynda, bal arasynan polıetılen túıinshek tabyldy. Onyń ishinde erekshe ıisi bar, jasyl tústi ósimdik tektes zat jasyrylǵan. Saraptama nátıjesinen soń, túıinshekke 33 gramm gashısh salynǵany anyqtaldy», - delingen vedomstvo taratqan habarlamada.
