Qostanaı túrmesindegi qyz-kelinshekter arasynda arýlar baıqaýy ótti
QOSTANAI. QazAqparat - Qostanaıdaǵy ÝK-161/11 túzetý mekemesinde jazasyn óteýshi áıelder arasynda «Kóktem arýy - 2018» baıqaýy ótti, dep habarlaıdy QazAqparat QR ІІM qylmystyq atqarý júıesi komıtetiniń baspasóz qyzmetine silteme jasap.
Bul shara túzetý mekemesinde dástúrli túrde ótip turady. Negizgi maqsat - salaýatty ómir saltyn nasıhattaý men estetıkalyq turǵyda tárbıeleý. Uıymdastyrýshylardyń aıtýynsha, osyndaı tárbıelik máni bar sharalardy jıi ótkizý jazasyn óteýshilerdiń bos ýaqytyn tıimdi ótkizýge múmkindik beredi.
«Baıqaý sharty boıynsha, qatysýshylardyń boıy, salmaǵy jáne otbasylyq jaǵdaıy eskeriledi. Qatań talaptar qoıylmaǵan soń baıqaýǵa kez kelgen áıel qatysýǵa nıet bildirdi. Sottalǵandardyń arasynda da ónerli jandardyń bary anyq. Osyndaı saıystar boıyndaǵy sol daryndy ary qaraı shyńdaýǵa septigin tıgizedi», - deıdi ÝK-161/11 mekemesiniń psıholog-mamany Dınara Madııarova.
Arýlar baıqaýyna oblystyq halyq shyǵarmashylyǵy ortalyǵy men Qostanaı qalasy ákimdiginiń jumyspen qamtý bóliminiń qyzmetkerleri qazylyq etti. Nátıjesinde júldegerler «Názik arý», «Inabatty arý», «Symbatty arý» atalymdary boıynsha marapattaldy.
Al alaıaqtyq áreketi boıynsha segiz jylǵa sottalǵan Janar esimdi áıel «Kóktem arýy - 2018» baıqaýynyń jeńimpazy atandy. Aıta keteıik, ol frantsýz jáne aǵylshyn tilderin erkin meńgergen.
