Qostanaı túrmesinde ýlanǵandar oqıǵasy: 4 sottalýshy arnaıy palataǵa kóshirildi
QOSTANAI. QazAqparat - Qostanaıdaǵy ÝK 161/4 jazasyn óteýshiler mekemesinde ýlanyp qalǵan 4 sottalýshy arnaıy palataǵa kóshirildi, dep habarlaıdy QazAqparat tilshisi.
Áýlıekól aýdandyq ortalyq aýrýhanasynda málim etilgendeı, jazasyn óteýshiler mekemesinde ýlanyp qalǵan 4 sottalýshy jansaqtaý bóliminen shyǵaryldy.
«Organıkalyq suıyqtyqtan ýlanyp qalǵan tórt sottalýshy arnaıy palataǵa kóshirildi. Olardyń jaǵdaılary birqalypty. Sottalýshylar dárigerler men tártip saqshylarynyń baqylaýynda. Aýrýhanadan qashan shyǵarylatyny belgisiz. Tıisti em-dom sharalaryn alyp jatyr», - dep habarlady Áýlıekól aýdandyq aýrýhanasyndaǵylar.
Eske salsaq, 20 naýryzda Qostanaı oblysynyń Qusmuryn aýylyndaǵy túrmede bir top sottalýshy spırttik negizdegi hımııalyq suıyqty iship, ýlanyp qaldy. Aýyr jaǵdaıdaǵy olar Áýlıekól aýdanynyń ortalyq aýrýhanasyna jetkizildi. Tórt adam kóz jumyp, taǵy tórteýi jansaqtaý bóliminde em-dom qabyldady.
Aıta keteıik, qaıǵyly oqıǵaǵa baılanysty is biryńǵaı tergeý tizilimine tirkeldi, Áýlıekól aýdandyq ІІB qyzmetkerleri sotqa deıingi tergeý amaldaryn júrgizip jatyr.
