Qostanaı túrmelerinde maska tigý óndirisi iske qosyldy
QOSTANAI.QazAqparat – Qostanaı oblysynyń túrmelerinde medıtsınalyq maska tigý óndirisi qarqyn aldy, dep habarlaıdy QazAqparat.
Qostanaı oblysy boıynsha qylmystyq-atqarý júıesi departamenti respýblıkalyq «Biz birgemiz» aktsııasyna úlesin qosýda. Atap aıtqanda, «ÝK 161-2» túzeý mekemesinde jazasyn óteýshiler eki aıdyń ishinde 80 myńnan astam maska jáne 400-ge jýyq qorǵanysh kostıýmin tikken.
«Tsehta táýligine 1000-nan astam maska tigiledi. Ónim sertıfıkattaýdan ótken. Allergııa jáne shań-tozańnan qorǵaý talaptaryna saı. Jumys barysynda barlyq sanıtarlyq-epıdemıologııalyq jaýapkershilik qatań saqtalady. Jazasyn óteýshiler maskalardy muqtaj jandarǵa kómek retinde úlestirip berýde. Túzetý mekemesindegiler oblystyq psıho-nevrologııalyq balalar ınternatyndaǵy tárbılenýshilerge 150 maska tigip berdi. Qoǵamdy qaýipti indetten qorǵaý úshin jasalyp jatqan jobaǵa jazasyn óteýshiler óz erikterimen atsalysýda», - deıdi departamentti bas mamany Janna Qusymbaeva.
Elde shekteý sharalarynyń engizilýine baılanysty qylystyq atqarý júıesiniń barlyq quramy kúsheıtilgen rejımde qyzmet etýde. Mundaǵy mádenı sharalar ýaqytsha toqtatyldy. Al jazasyn óteýshiler týys-týǵandarymen telefon arqyly habarlasyp, beınebaılanys júıesimen sóılesedi.
