Qostanaı turǵynynyń qarmaǵyna «tumsyqty balyq» tústi
ASTANA. QazAqparat - Torǵaıǵa uqsas balyq BAQ betterinde qyzý talqylanyp jatyr, dep jazady 24.kz.
«Mundaıdy kórgendegi meniń tańdanysymdy aıtsańyzshy! Men bul balyqty 29 maýsymda Tsyganskoe kólinen ustadym, ol Zýevka aýylynan (Altynsarın aýdany) shamamen 10 shaqyrym jerde ornalasqan. Dostarymyzben birge barǵanbyz. Bala kúnimnen balyq aýlaýdy janym súıedi. Alpys jyldyq tájirıbemde mundaı ǵajaıypty birinshi ret kórýim.
Menińshe, bul móńke balyq buǵan deıin de bireýdiń qarmaǵyna túsken, tek ol úzilip ketip, aýyz tusy jyrtylǵan sekildi. Ýaqyt óte ol bitip, saldarynan erni burtıyp, tumsyqqa uqsap qalǵan. Buryndary alyp balyqtardy ustap maqtanatynbyz. Bıylǵy aý «torǵaı-balyqpen» este qalatyn boldy», - deıdi «Nash Kostanaı» gazetine bergen suhbatynda erekshe balyqty aýlaǵan Aleksandr Shıbanov.
