Qostanaı turǵyny jubaıynyń aǵasyn pyshaqtap óltirdi
QOSTANAI. QazAqparat - Qostanaı oblysynyń qylmystyq ister jónindegi mamandandyrylǵan aýdanaralyq sotynda jubaıynyń aǵasyn óltirgen qostanaılyqqa qatysty is qaraldy, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterinde kórsetilgendeı, Z. esimdi azamat óziniń burynǵy jubaıy azamatsha K.-men sózge kelip qalady. Keıin azamatsha K. aǵasy J.-ny kómekke shaqyrady. Er azamattar arasynda daý shyǵyp, tóbeles bolady.
«Azamasha K. páterden shyǵyp, qashyp ketedi. Al Z. óziniń oılaǵan maqsatyn sońyna deıin jetkizý úshin J.-ǵa pyshaqpen bir soqqy jasaıdy. Jábirlenýshi alǵan soqqynyń saldarynan oqıǵa ornynda kóz jumdy. Kúdikti Z. qylmys jasaǵan soń, oǵıǵa bolǵan jerden izin jasyrady, keıin polıtsııa qyzmetkerlerine ustalady», - delingen oblystyq sottyń baspasóz habarlamasynda.
Búgin Qostanaı oblysynyń qylmystyq ister jónindegi mamandandyrylǵan aýdanaralyq sotynda atalǵan qylmyskerge qatysty úkim shyqty. Oǵan sáıkes, azamat Z. QR QK-niń 99 baby 1 bóligi boıynsha kináli dep tanyldy. Oǵan 14 jyl bas bostandyǵynan aıyrý jazasy kesildi.
Úkim zańdy kúshine engen joq.
