Qostanaı turǵyny joǵalyp ketken balasyna arnap beınejazba jarııalady
QOSTANAI. QazAqparat - 2019 jylǵy 20 qańtarda joǵalyp ketken Eldos Dúısenovti anasy áli izdep jatyr. Ol áleýmettik jeliler arqyly balasyna beınejazba joldady, dep habarlaıdy QazAqparat.
«Balam, eger sen meni kórip ne estip otyrsań, habarlasshy. Baılanysqa shyq. Qandaı jaǵdaı bolsa da, biz seni kútemiz», - delingen anasynyń beınejazbasynda.
Eske salsaq, 23 jastaǵy Eldos Dáýrenuly Dúısenov 20 qańtarda úıinen shyǵyp ketip, sol kúıi oralmaǵan. Qostanaı qalasy ІІB «Ońtústik» bóliminiń polıtseıleri jas jigitke qatysty qandaı da aqparat biletinderdiń 8702-492-99-92, 8 747-655-21-63, 52-68-61 nemese «102» nómirlerine habarlasýyn suraıdy.
