Qostanaı turǵyny jedel járdem qyzmetkerlerin qaǵyp, mert qyldy
QOSTANAI. QazAqparat - Jitiqara aýdandyq sotynda jaıaý júrginshilerdi qaǵyp, mert qylǵan 23 jastaǵy turǵynǵa qatysty qylmystyq is qaraldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Іs materıaldaryna súıensek, 2017 jylǵy 14 qazanda saǵat 01.30 shamasynda mas kúıde bolǵan S. «Lada 21723» markaly avtokóligin basqarǵan.
«Azamat S. sol ýaqytta Sh.Ýálıhanov kóshesi boıynda «Munaı» janar-jaǵarmaı stansasyna baǵyt alyp, kólik jyldamdyǵyn shamadan tvs arttyrady. Saldarynan joldan ótpek bolǵan jergilikti jedel járdem qyzmetkerleri 37 jastaǵy B., 56 jastaǵy Sh. jáne 52 jastaǵy M-ny qaǵyp, oqıǵa ornynan qashyp ketken. Keıin ony polıtseıler qolǵa túsirdi», -delingen oblystyq sottyń habarlamasynda.
Jol-kólik oqıǵasy saldarynan alǵan jaraqattan úsh adam Jitiqara aýdandyq ortalyq aýrýhanasynyń jansaqtaý bóliminde kóz jumdy.
Sot sheshimimen kúdikti S. QR QK 345-baby 4-bóligi, 347-baby boıynsha aıypty dep tanyldy. Sot úkimimen oǵan 7 jyl 10 aı bas bostandyǵynan aıyrý jazasy taǵaıyndaldy. Buǵan qosa ol 7 jyl boıy kólik basqarý quqyǵynan shettetildi.
