Qostanaı turǵyny jalǵan nómirli kólikpen júrip kelgen
QOSTANAI. QazAqparat - Uıymdasqan qylmysqa qarsy kúres basqarmasy jalǵan nómirlermen kólik basqarǵan qostanaılyqty ustady, dep habarlaıdy QazAqparat oblystyq ІІD baspasóz qyzmetine silteme jasap.
Tártip saqshylary Qostanaıdaǵy Abaı kóshesinde «Mercedes-Benz» avtomobılin toqtatady. Kólikti basqarǵan 36 jastaǵy turǵyndy tergeý barysynda onyń kóligine jalǵan nómirlerdi ilgeni anyqtaldy.
«Júrgizýshi kólikti byltyr ǵana satyp alǵanyn jáne salyq qunynyń kóptigin aıtyp aqtaldy. Sol sebepti kóligin tirkeýge qoımaǵan», - dedi oblystyq ІІD baspasóz hatshysy Irına Bejenar.
Júrgizýshige qatysty ákimshilik hattama toltyryldy. Avtomobıl aıyppul turaǵyna jetkizildi.
Vedomstvoda málim etilgendeı, oblysta 5 qańtardan bastap «Avtoýragan» kólik jyldamdyǵyn tekserý júıesi iske qosyldy. Barlyq aqparat qupııa túrde saqtalyp, ІІD-niń júıelengen ortalyǵyna jiberiledi. Keıin, ortalyqtyń mamandary QR ІІM-niń málimet bazasy boıynsha aıyppuldy jol erejesin buzǵan kólik ıesiniń úıine «Qazposhta» arqyly jiberedi.
Atalǵan ólsheýishter qalanyń KJBI shaǵynaýdany, Abaı-Qazaq, Popovıch-ıÝbıleınyı, Karbyshev-Sibir kósheleriniń qıylysynda, «Áýejaı» aýdanynda, Qostanaı-Zatobol tas jolynda, Qobylandy batyr dańǵylynda ornatylǵan.
