Qostanaı turǵyny uıaly telefon úshin aýyldasyn óltirip, úıin órtep jibergen
QOSTANAI. QazAqparat - Aýyldasynyń uıaly telefonyn urlap, úıin órtep jibergen 27 jastaǵy qostanaılyq sot aldynda jaýap beredi, dep habarlaıdy QazAqparat oblystyq sottyń baspasóz qyzmetine silteme jasap.
Іs materıaldaryna súıensek, oqıǵa 2018 jyldyń qańtar aıynda Áýlıekól aýdanynda bolǵan.
«27 jastaǵy er adam aýyl turǵynynyń úıine kirip, uıaly telefonyn urlap ketpek bolady. Biraq, jábirlenýshi synǵan terezeniń dybysynan soń oıanyp ketken. Sottalýshy oǵan tap berip, basyna birneshe soqqy jumsaıdy. Ol óziniń qylmystyq nıetin odan ári jalǵastyryp, áıeldi tunshyqtyryp óltirdi», - delingen oblystyq sottyń habarlamasynda.
Aýyldasynyń ólimine kóz jetkizgen soń sottalýshy tósekti jaǵyp jibergen. Munan soń qylmys ornynan ketip qalǵan. Órtenip ketken úı ornynan 76 jastaǵy áıeldiń denesi tabyldy.
Foto: ptzgovorit.ru
