Qostanaı turǵyny UQK-ge jumysqa turý úshin 420 myń teńge usynǵan

QOSTANAI. QazAqparat - Qostanaı qalalyq №2 sotynyń úkimimen Baqyt Úsenov bir jylǵa bas bostandyǵynan aıyryldy, dep habarlaıdy QazAqparat tilshisi.

B.Úsenov QR Qylmystyq kodeksiniń eki birdeı babymen: 190-babynyń («Alaıaqtyq») 1-bóligi jáne 367-babynyń («Para berý») 2-bóligi boıynsha aıyptaldy. Úsenov bir jyl merzimge bas bostandyǵynan jáne ómir boıy memlekettik qyzmette laýazym ıelený quqyǵynan aıyryldy. Ol jazasyn qylmystyq-atqarý júıesiniń qaýipsizdigi barynsha tómen mekemesinde óteıdi.

2018 jyldyń qańtar aıynda Úsenov UQK departamentine jumysqa ornalasqysy kelgen Qostanaı turǵyny Zııat Ábýsaǵıtovty 420 000 teńge mólsherinde para berýge kóndirmek bolǵan.

Kinási anyqtalǵan B. Úsenov úkim oqylǵannan keıin sot zalynda qamaýǵa alyndy.