Qostanaı turǵyny týysynyń malyn urlaǵan
QOSTANAI. QazAqparat - Qostanaı oblysy polıtsııa departamentiniń qyzmetkerleri «Mal urlyǵy» jedel-profılaktıkalyq sharasy barysynda birneshe qylmystyń betin ashty, dep habarlaıdy QazAqparat PD baspasóz qyzmetine silteme jasap.
Ótken bir aptada «Mal urlyǵy» operatsııasy barysynda tártip saqshylary 5 qylmystyq isti tirkedi. PD krımınaldy polıtsııa basqarmasy basshysynyń mindetin atqarýshy Erbol Taıbekovtyń sózinshe, kóp jaǵdaıda jaıylymda júrgen túlikter qoldy bolady. Ieleri maldaryna en salyp, syrǵa taqpaıdy. Sonyń kesirinen mal urlyǵy jıilep ketken.
«Mal urlyǵyna qatysty 33 jedel top quryldy. Polıtseıler et tasymaldaıtyn júk kólikterdi kún saıyn tekseredi. Sondaı tekserý sharalary kezinde esh qujatsyz et tasyǵan eki turǵyn ustalyp, ákimshilik jaýapqa tartyldy. Sonyń biri Denısov aýdanynda bolǵan. Kúdikti qorada turǵan týysynyń 10 qoıyn aıdap alyp ketken. Polıtseıler qylmyskerdi «izin sýytpaı» taýyp aldy. 1 qarasha kúni Qarasý aýdanynan sımmental sıyr tuqymynyń buzaýy urlanǵany belgili boldy. Kúdikti Jeleznodorojnoe aýylynda ustaldy», - deıdi Erbol Taıbekov.
Qazirgi ýaqytta atalǵan faktiler boıynsha sot aldy tergep-tekserý sharalary júrip jatyr.
Polıtseıler turǵyndardy úı janýarlaryn qorǵaýda barynsha saq bolýǵa shaqyrady. Sony bir joly - syrǵa taǵý. Bul malshynyń shyǵynyn azaıtady.
