Qostanaı turǵyny tanysyn tirideı kómip tastaǵan
QOSTANAI. QazAqparat - Qostanaı oblysynyń qylmystyq ister jónindegi mamandandyrylǵan aýdanaralyq sotynda tanysyn tirideı kómgen 28 jastaǵy oblys turǵynyna qatysty is qaralady, dep habarlaıdy QazAqparat oblystyq sottyń baspasóz qyzmetine silteme jasap.
Іs materıaldarynda kórsetilgendeı, Rýdnyı qalasynyń eki turǵyny óndiris ornynda ishimdik iship, ózara kelispeı qalǵan. Sálden soń biri ekinshisin uryp-soqqan. Kúdikti qolyna temir alyp, jerde jatqan dosynyń keýdesine 4 soqqy jasaǵan.
«Kúdikti edende qansyrap jatqan tanysyn kórip, ony óltirdim dep oılaıdy. Qylmysyn jasyrý úshin jábirlenýshini júk kóliginiń shómishine salyp, Gornıatskıı aýylynyń shetine aparyp, kómip tastaǵan. Saraptama qorytyndysy boıynsha, jábirlenýshi soqqydan emes, úsikten kóz jumǵan», - delingen oblystyq sottyń habarlamasynda.
Kúdiktige QR QK 99-baby («Kisi óltirý») boıynsha aıyp taǵyldy.
Foto: svoyakolokolnya.ru
