Qostanaı turǵyny sotqa mas kúıinde kelgen

QOSTANAI. QazAqparat - Qostanaı oblysynyń turǵyny sot otyrysyna mas kúıinde kelgen, dep habarlaıdy QazAqparat oblystyq sottyń baspasóz qyzmetine silteme jasap.

Qostanaı turǵyny sotqa mas kúıinde kelgen

Mendiqara aýdandyq soty E. esimdi azamatty Qazaqstan Respýblıkasynyń ákimshilik quqyq buzýshylyq týraly Kodeksiniń 653- baby boıynsha kináli dep tanyp, 5 táýlikke ákimshilik qamaý jazasyn taǵaıyndady.

«Oblys turǵyny E. sot úkimi boıynsha bas bostandyǵyn shekteý jazasyn bas bostandyǵynan aıyrý jazasyna aýystyrý týraly ózine qatysty usynysyn qaraý boıynsha sot otyrysy belgilengen ýaqytqa mas kúıinde keldi. Mendiqara aýdany probatsııa bólimi ony sotqa qurmettemeýshilik tanytty dep sheshti», - delingen oblystyq sottyń baspasóz habarlamasynda.

Medıtsınalyq kýálandyrý qorytyndysyna sáıkes, aıyptalýshy ortasha dárejede mas bolǵan. Sot otyrysynda ol ákimshilik quqyqbuzýshylyǵyn tolyqtaı moıyndady.