Qostanaı turǵyny saıajaı úıinde órtenip ketti
QOSTANAI. QazAqparat- Qostanaıda saıajaı úıi órtenip, bir áıel qaza tapty, dep habarlaıdy QazAqparat oblystyq TJD baspasóz qyzmetine silteme jasap.
«Qostanaı qalasynyń shetindegi saıajaı úıleriniń birinen órt shyqty. Úıdiń kireberisi men jazǵy ashanasy janyp ketti. Saıajaı úıi mańyndaǵy monshanyń tóbe jabyndysy, aǵash eden, qabyrǵasy men tóbesin kúıik shaldy. Órt sóndirý kezinde monsha ishinen 1967 jyly týǵan áıeldiń múrdesi tabyldy», - dedi vedomstvonyń baspasóz qyzmetindegiler.
Aldyn ala boljam boıynsha, órt saıajaı úıinde qysqa tuıyqtalýdan soń shyqqan. Naqty sebepteri anyqtalyp jatyr.
