Qostanaı turǵyny saqtandyrý kompanııasynan 600 myń teńgeden astam qarajat óndirip aldy
QOSTANAI. QazAqparat - Qostanaı turǵyny saqtandyrý kelisimshartyndaǵy mindettemesin oryndaýdan bas tartqan «Neftıanaıa strahovaıa kompanııa» AQ-yn sotta jeńip shyqty. Bul týraly «QazAqparat» HAA tilshisi habarlaıdy.
Іs materıaldary boıynsha, ótken jyly aryz berýshi kólik rólin basqara almaı, baǵdarsham baǵanasyn soqqan. Zalal kelgen baǵdarsham «Qostanaı q. turǵyn úı-kommýnaldy sharýashylyq, jolaýshylar kóligi jáne avtomobıl joldary bólimi» MM-ge tıesili, mekeme baǵdarshamdy qalpyna keltirý úshin 654 myń teńge jumsaǵan. Alaıda saqtandyrý kompanııasy jol-kólik apatynan bolǵan shyǵyndy óteýden bas tartqan. Kompanııa klıentine sáıkes talap aryzben sotqa júginýge týra keldi. Alaıda, saqtandyrý kompanııasynyń ókili sot otyrysynda da talapty moıyndamady.
«Taraptardy tyńdap, is materıaldaryn oqyǵan sot talap aryz mindetterin negizdi dep tanydy. Sot sheshimimen «Neftıanaıa strahovaıa kompanııa» aktsıonerlik qoǵamynan Qostanaı qalasy ákimdiginiń TKSh bólimi paıdasyna 654 myń teńge saqtandyrý tólemi óndirip alyndy», - dep habarlady Qostanaı oblystyq sotynyń baspasóz qyzmeti.
