Qostanaı turǵyny ózine pyshaq salǵan áıelin keshirdi
QOSTANAI. QazAqparat - Áıeli pyshaq suǵyp alǵan Qostanaı turǵyny zaıybyna eshqandaı kiná taqpaıtynyn aıtyp otyr, dep habarlaıdy «QazAqparat» HAA tilshisi Qostanaı oblystyq ІІD baspasóz qyzmetine silteme jasap.
Oqys oqıǵa 2 qańtar kúni Kotlovannoe aýylynda bolǵan.
«Birge spırtti ishimdik iship otyryp, masaıǵan áıel kúıeýine pyshaq suǵyp alady. 31 jastaǵy jábirlenýshi ortalyq aýdandyq aýrýhanaǵa jetkizilgen. Er adam áıeline eshqandaı kina taqpaıtynyn aıtty», - deıdi polıtsııa qyzmetkerleri.
Qazir osy fakti boıynsha QR QK 106-babynyń 1-bóligi («Densaýlyqqa qasaqana aýyr zııan keltirý») boıynsha sotqa deıingi tergep-tekserý júrip jatyr.
