Qostanaı turǵyny óz úıinde óltirilgen adamnyń máıitin úsh aı saqtaǵan
QOSTANAI. QazAqparat - Qostanaı oblysynda múgedek zeınetker 3 aı boıy ólgen adamnyń denesin saqtap kelgen. Bul iske qatysty Qarabalyq aýdandyq soty osy aptada úkim shyǵardy, dep habarlaıdy QazAqparat tilshisi ainanews.kz saıtyna silteme jasap.
Іs materıaldaryna súıensek, ústimizdegi jyldyń naýryz aıynda Qarabalyq aýdanynyń 54 jastaǵy turǵyny úıinde eki qonaǵymen ishimdik iship, saýyq qurǵan. Sálden soń arada janjal týyndap, bir meıman úı ıesin balaǵattaıdy. Munymen qosa oǵan qol jumsaýǵa deıin barady. Arasha túspek bolǵan ekinshi qonaq ózimen erip kelgen bótelkelesiniń moınyna pyshaq suqqan. Alǵan jaraqaty saldarynan ol oqıǵa ornynda kóz jumdy. Zeınetker jedel-járdem qyzmetin shaqyrmaı, máıitti aýlasyndaǵy jertólege tastaıdy. Qan izderin ketirý úshin edendi jýyp, typ-tıpyl etken. Tek 3 aı ótken soń tártip saqshylary múrdeni tapty.
Qarabalyq aýdandyq sotynda jaýap bergen zeınetker bar kinásin moıyndap, bul isine ókinetinin aıtty. Sot is materıaldaryn zerttep, onyń birinshi ret qylmystyq jaýapkershilikke tartylyp otyrǵanyn eskerdi. Sot ekinshi toptaǵy múgedekke probatsııalyq baqylaý belgilep, 4 jylǵa bas bostandyǵynan aıyrdy.
Úkim zańdy kúshine engen joq.
