Qostanaı turǵyny óler aldynda balasyn tunshyqtyrǵanyn moıyndady - polıtsııa
QOSTANAI. QazAqparat - Oblystyq ІІD baspasóz qyzmeti Jitiqara aýdanynda qaza tapqan 4 jasar balaǵa qatysty málimdeme jasady, dep habarlaıdy QazAqparat.
Buǵan deıin habarlaǵanymyzdaı, oqıǵa Qostanaı oblysynyń Jitiqara aýdanynda bolǵan.
«Osy jyldyń 16 qyrkúıeginde 44 jastaǵy er adam kámelettik jasqa tolmaǵan balasyn azamattyq nekedegi áıelinen urlap alyp ketken. Óz úıine ákelip, balasyn tunshyqtyryp óltiredi. Sodan keıin ózine pyshaq salǵan. Atalmysh azamat sol kúni aýyr dene jaraqattarymen aýdandyq ortalyq aýrýhanaǵa tústi», - deıdi oblystyq ІІD baspasóz qyzmetindegiler.
Polıtseılermen áńgime barysynda kúdikti balasyn tunshyqtyryp óltirgenin moıyndaǵan.
«Kúdikti kóp mólsherde qan joǵaltyp, birneshe saǵattan soń aýrýhanada kóz jumdy. Qazirgi ýaqytta oqıǵanyń mán-jaıy anyqtalyp jatyr», - delingen ІІD habarlamasynda.
Vedomstvoda belgili bolǵandaı, atalǵan fakt boıynsha sotqa deıingi tergeý sharalary bastalyp ketti.
