Qostanaı turǵyny qyzyn óltirdi dep aıyptalýda
ASTANA. QazAqparat - Qostanaı oblysy qylmystyq is jónindegi mamandandyrylǵan sotyna QR QK 99-baby 1-bólimi boıynsha 1968 jyly týǵan azamat V-ǵa qatysty qylmystyq is tústi.
Sottyń baspasóz qyzmetinen habarlaǵandaı, Qarasý aýdany Komsomolskıı kentinde aıyptalýshy túski as ýaqytynda ishimdik iship alyp, uıyqtap qalady. Osy ýaqytta qurbylarymen 26 jastaǵy qyzy keledi. Olar araq iship, daýystary qatty shyǵyp, áńgimelesip otyrǵan. Shýdan úı ıesi oıanyp ketip, qyzyna eskertý jasaıdy. Osydan keıin qyzy ekeýiniń arasynda urys-keris bastalyp ketedi. Daýys kóterý, bir-birin balaǵattaýdyń arty tóbeleske ulasady.
Qyzynyń aýyr sózderin kótere almaǵan er adam ashanadan pyshaq alyp, boıjetkenniń keýde tusyna suǵady, ol oqıǵa ornynda kóz jumady.
