Qostanaı turǵyny kóligimen elektr baǵanyn soǵyp, qashyp ketken
QOSTANAI. QazAqparat - Tártip saqshylary elektr baǵanyn soǵyp ketken qostanaılyq kólik júrgizýshisin izdep jatyr, dep habarlaıdy QazAqparat.
Aqparatty oblystyq ІІD baspasóz qyzmeti rastady. Oqıǵa KSK shaǵyn aýdanyndaǵy Qaıyrbekov kóshesinde bolǵan. «Jıgýlı-99» markaly avtokóligin tizgindegen qostanaılyq elektr jelisi baǵanyn soǵyp, memleketke aıtarlyqtaı shyǵyn keltirgen. Sonymen qatar, ol oqıǵa ornynan boı tasalaǵan.
Oblystyq ІІD baspaóz qyzmetindegilerdiń aıtýynsha, atalǵan fakt boıynsha tergeý sharalary júrip jatyr. Kólik júrgizýshisine izdeý salyndy.
Aıta keteıik, elektr baǵany qalalyq turǵyn uı-kommýnaldyq sharýashylyǵy bóliminiń balansynda tur.
Foto: motor.kz
