Qostanaı turǵyny qaryndasynyń basyn kesip tastady
QOSTANAI. QazAqparat - Qostanaı oblysynda birlesip ishimdik ishýdiń sońy kisi ólimine alyp keldi, dep habarlaıdy QazAqparat.
Jergilikti «Aına» aýdandyq gazeti jazǵandaı, qaıǵyly oqıǵa byltyr 25 jeltoqsanda bolǵan. Qarabalyq aýdanyna qarasty Slaven aýylynyń 29 jastaǵy turǵyny nemere qaryndasymen birge spırttik ishimdik ishken. Alkogolge sylqııa toıǵan ekeýiniń arasynda urys-keris bastalǵan. Saldarynan er adam qaryndasyna pyshaqpen birneshe márte soqqy jasaǵan. Odan keıin qurbanynyń basyn kesip alyp, janyp jatqan peshtiń ishine laqtyryp jibergen. Al denesin jerqoımaǵa jasyrǵan.
Qarabalyq aýdandyq ishki ister bólimine Slaven aýylynyń turǵyny habarlasyp, osy aýylda turatyn 45 jastaǵy áıeldiń máıiti tabylǵandyǵy týraly habarlaǵan.
«Atalǵan fakti boıynsha 29 jastaǵy kúdikti tergeý abaqtysyna jetkizildi. QR QK 99-baby, 2-bóligimen sotqa deıingi tergeý sharalary júrgizilýde. Saraptamalar taǵaıyndaldy», - delingen oblystyq ІІD baspasóz qyzmetiniń habarlamasynda.
