Qostanaı turǵyny balasyn óltirip, artynsha ózine qol jumsaǵan
QOSTANAI. QazAqparat - Qostanaı oblysynyń Jitiqara aýdanynda páterden 44 jastaǵy er adam men 4 jasar balanyń denesi tabyldy, dep habarlaıdy QazAqparat.
Aqparatty oblystyq densaýlyq saqtaý basqarmasynyń resmı ókili Ksenııa Jylqybaeva rastady. Oqıǵa 16 qyrkúıek kúni Jitiqara aýdanynda bolǵan. Saǵat 21:25-te jedel járdem qyzmetine habar kelip túsken.
«Úı ishinen 1974 jyly týǵan er adam men 4 jasar balanyń denesi tabyldy. Balanyń denesi siresip qalǵan. Belgili bolǵandaı, balanyń ákesi kórshi bólmede ózine pyshaq suqqan. Ol Jitiqara aýrýhanasyna búgin túnde jetkizilip, sol jerde dene jaraqattary saldarynan qaıtys boldy», - dedi K.Jylqybaeva.
Basqarma málimetinshe, ákesi balasyn tunshyqtyryp óltirgen. Sebebi onyń moıyn tusy kógergen.
Al oblystyq ІІD atalǵan jaıtqa qatysty resmı málimdeme jasaǵan joq.
