Qostanaı turǵyny 54 jastaǵy anasyn izdep jatyr
QOSTANAI. QazAqparat - Meńdiqara aýdanynda 10 qarasha kúni úıinen shyǵyp ketken Lıýbov Núrpeıisovaǵa izdeý salyndy, dep habarlaıdy QazAqparat tilshisi.
Lıýbov Núrpeıisovanyń joǵalyp ketkeni týraly qyzy Meńsulý Qurmanova aıtty. Onyń aıtýynsha, anasy ekinshi toptaǵy múgedek jáne buryn da osylaı belgisiz baǵyttarǵa shyǵyp ketetin bolǵan.
«Men ózim Qostanaıda turamyn. Al anam Borovskoe aýylynda turady. Joǵalyp ketken kúni dúkenge baryp keletinin aıtqan. Týǵan-týystar sol kúni izdeýdi bastady, alaıda tappady. Ol jol boıyna shyǵyp, kólikterdi toqtatyp, solardyń birine mingen bolýy múmkin. Kórgenderdiń aıtýynsha, Rýdnyı nemese Qostanaıǵa baǵyt alǵan», - dedi Meńsulý Qurmanova QazAqparat tilshisine.
Lıýbov Núrpeıisovanyń ústinde alqyzyl kýrtka, jolaqty bas kıim jəne aıaǵynda kók kebis bolǵan.Onyń shashy qara tústi, boıy - 160-165, ulty - qazaq.
Meńsulý Qurmanova joǵalyp ketken anasy týraly qandaı da bir aqparatty biletinderge 87053031357 nemese 102 nómerlerine habarlasýdy suraıdy.
