Qostanaı turǵyny 3 ózbekstandyqty úı salýǵa májbúrlegen
QOSTANAI. QazAqparat - Qostanaı oblysy kóshi-qon qyzmeti basqarmasynyń mamandary shetel azamattarynyń eńbegin zańsyz paıdalanǵan qostanaılyqty ustady, dep habarlaıdy «QazAqparat» HAA tilshisi oblystyq ІІD baspasóz qyzmetine silteme jasap.
Mobıldi toptyń jedel-izdestirý is-sharalary barysynda oblys aýmaǵynda 14 shetel azamatynyń zańsyz jumys istep kelgeni anyqtaldy.
«19-21 aqpan aralyǵynda júrgizilgen «Mıgrant» sharasy aıasynda Ózbekstan azamattarynyń eńbegin zańsyz paıdalanǵan Qostanaı turǵyny ustaldy. Atalǵan shetel azamattarynyń barlyǵy - 20-30 jas aralyǵynda. Qostanaılyq sheteldikterge óziniń úıin saldyrǵan. Endi oǵan 30 AEK kóleminde aıyppul salynýy múmkin», - dep málim etti oblystyq ІІD baspasóz qyzmetinde.
Polıtseılerdiń aıtýynsha, «Mıgrant» sharasy aıasynda 78 túrli zańbuzýshylyq tirkeldi. Sondaı-aq, zańsyz jumys istep kelgen 14 shetel azamaty elden qýyldy.
