Qostanaı turǵyny 22 jastaǵy stýdentti býyndyryp óltirgen
QOSTANAI. QazAqparat - Qostanaıda 22 jastaǵy stýdenttiń ólimine kináli qala turǵynyna qatysty úkim shyqty, dep habarlaıdy QazAqparat tilshisi.
Stýdenttiń ólimine qatysty is búgin Qostanaı oblysynyń qylmystyq ister jónindegi mamandandyrylǵan aýdanaralyq sotynda qaraldy. Іs materıaldaryna súıensek, 2017 jyldyń 27 qarashasynda Abaı Muhambetov esimdi turǵyn 22 jastaǵy stýdent Krıstına Shýljenkony býyndyryp óltirgen.
«Kúdikti Abaı Muhambetovke QR QK 99-baby 1-bóligi (Kisi óltirý) boıynsha aıyp taǵyldy. Sot úkimimen oǵan 12 jyl bas bostandyǵynan aıyrý jazasy taǵaıyndaldy. Ol jazasyn qaýipsizdigi ortasha túzetý mekemesinde óteıdi. Onyń is-áreketteri qaýipti retsıdıv retinde tanyldy. Jábirlenýshi taraptyń azamattyq talaby ishinara qanaǵattandyryldy», - dedi sýdıa Janna Tileýbaeva.
Sondaı-aq, sottalýshy taraptan 1,5 mıllıon teńge moraldyq zııan jáne 120 myń teńge qosymsha jumsalǵan shyǵyn úshin óndirildi.
