Qostanaı turǵyndarynyń salyq qaryzy 60 mln teńgeden asty
Salyq tólemeı júrgenderdiń deni – avtokólik ıeleri. Olar 34 mln teńge salyq somasyn tólemeı, sot oryndaýshylardan qashyp júr. Sonymen qatar múlik salyǵy 24 mln teńgeden assa, qostanaılyqtardyń memlekettik qazynaǵa qaryzy 5 mln teńgege jetken.
«Memlekettik kirister basqarmasynyń ókilderi men sot oryndaýshylary boryshkerlerdiń úılerine reıd júrgize bastady. Biz salyq tóleýden jaltaryp júrgenderdi izdeımiz. Qaryzy bar adamdardyń sany myńǵa jetti, al salyq beresheginiń somasy 60 mln teńgeden asyp ketti. Eger salyq tóleý týraly habarlama alyp, ony tólemegender múlikterinen aıyrylýy múmkin. T urǵyndardyń nazaryn osy máselege aýdarǵymyz keledi, Al salyqty múlde tólemeıtinder sot aldyna barady», - dedi Qostanaı oblysynyń jeke sot oryndaýshylary óńirlik palatasynyń basshysy Nesibeli Básenova.
Sot oryndaýshylar salyq tóleýshilerge jeńildikterdiń qarastyrylǵanyn aıtady. Aldaǵy úsh aıda elimizde salyqtyq raqymshylyq júredi. Negizgi qaryz somasyn tólegen adamdardyń ósimpuly tolyǵymen esepten shyǵarylady.
