Qostanaı turǵyndary olımpıadashylardy qoldady
Eske salsaq, búgin Ońtústik Koreıanyń Phenchhan qalasyndaǵy HHIII qysqy Olımpıada oıyndarynyń ashylý saltanatynda Qazaqstannyń namysyn qorǵaıtyn sportshylar saltanatty sherýde júrip ótti. Olardyń qatarynda qostanaılyqtar - Denıs Kýzın, Anastasııa Krestova jáne Vıtalıı Pýhkalo bar.
«Búgingi shara Olımpıadaǵa attanǵan jerlesterimizdi qoldaý úshin uıymdastyrylyp otyr. Baıraqty básekege barǵan sportshylar bizdiń ǵana emes, elimizdiń maqtanyshtary. Olardyń ár jetistigi jas sportshylarǵa úlgi», - dedi oblystyq dene shynyqtyrý jáne sport basqarmasynyń basshysy Evgenıı Vılıams .
Jerlesterine sáttilik tileý úshin olardyń bapkerleri men týystary da keldi. Vıtalıı Pýhkalonyń jubaıy Anastasııanyń aıtýynsha, sportshy qazir jankúıerlerdiń qoldaýyna zárý.
«Vıtalıı óziniń mansabyndaǵy eń aýqymdy sport jarysyna qatysyp otyr. Men onymen búgin sóılestim. Oǵan bizdiń demeý bergenimiz kerek. Erteń muz aıdynyna Anastasııa Krestova da shyǵady. Sáttilik tileımiz!» - deıdi ol.
Sondaı-aq, bul keshte oblystyń jas ónerpazdary kontserttik baǵdarlama tartý etti. Shara sońynda kelýshiler tegin konkı tebýge múmkindik aldy.
